عەلی حەمەڕەشید بەرزنجی
دیوارەکانی باخچە
کۆرس:
باخچەکـــــەمان رەنگینە
بۆیە لامـــــــــان شیرینە
دیـــــواری لـــەگشت لاوە
بە وێنەی جـــوان نەخشاوە
باران:
ھەر کاتێک چـــوویتە ناوی
ئاســــــودەی بە تـەواوی
سان:
وێنەی رازاوە و رەنگـــــین
کۆتر و کـــــەوی نەخشین
گــوڵی جوانی ڕەنگاو ڕەنگ
یان بۆق و ماسی و نەھەنگ
کارا:
کــــەڵەشێر و پاســـاری
توتی و فنس و کەنـــــاری
ئەســــپ و زەڕافە و ئاسک
پەپولـــــەی ناسک ناسک
پەیڕەو:
فیل و کەروێشک و مەیمـون
کە خەریکی یــــاری بـوون
مــریشک و جوجەڵەی جوان
بەیەکــــەوە دەگـــــەڕان
مراوی و قـــاز ھێنرابوون
لە نـاو ئاودا نەخشــابوون
باران:
ھێماکـــــــانی ھاتوچۆ
تیایدا بوو بوون بە تابـلۆ
ناز:
وێنەی وەرزەکــــانی ساڵ
وێنەی خێزان ،خانو،مـاڵ
ژووری میوان ، ھی نوســتن
ھــــۆڵێکیش بۆ دانیشـتن
لانە:
نا بێت لە بیرمـــان بچێت
چێشتخانەش ژووری دەوێت
راز:
دوو ژووری تر پێویســـتن
کە لە ناو مــــاڵدا ھەبن
چونکە گرنگن تــــەواو
تەوالێت لەگەڵ گــەرماو
ئاوان:
ژوورێکی تــــری تیایە
کە وەک گــەنجینە وایە
بۆ کەلوپەل ھەڵـــگرتن
پێویســتی ماڵ تێکــردن
ئارۆ:
گـــــەڵا و ڕوەک و میــوە
ســەر دیــــواری تەنیوە
وێنەی کارتۆنیی ناســراو
تێکەڵ کـــــراون تەواو
کۆرس:
وێنەی ئاڵای کـــوردستان
وا لە سەرووی ھەمــوویان
لەسەر وێنەی گوند و شار
دەشەکێتەوە جــار جــار
@@@ ١٨/٢/٢٠١٧
کۆمینتی مالپهر
کۆمێنتی فهیسبووک