عەلی حەمەڕەشید بەرزنجی
کۆرس١:
ئێمــــەی منداڵ زۆر جـوانین
لـــە باخچــــەی منداڵانین
ژیکـــــــەڵە و ئازا و وردین
ڕۆڵەی نەشـــمیلەی کوردین
کۆرس٢:
باخچەمان پڕ جـــــوانییە
جێی ســـــــەما و گۆرانییە
دادە و مامۆســــتاکــــانی
زۆر بـــــە نـــەرم و نیانی
لەگــــەڵ ئێمــەدا دەدوێن
بۆیە وا خۆشــــــمان دەوێن
کۆرس١:
بۆ ئێمە دەریای ســـــــۆزن
خۆشەویست و دڵســــــۆزن
بە خـــــەندەوە ، زانیـاری
بۆمان دەکــــەن بە دیـاری
کۆرس٢:
چیرۆک و ھـــۆنراوەی جوان
سوودی زۆرە بۆ ھەمــــووان
کام یاری لامان خــۆش بـوو
ئەنجــامی دەدەین زوو زوو
کێ حـــــەزی لە وێنـەیە
ھەمـــوو شــــت ئامادەیە
کۆرس١:
جـــار جـــار یاری میکانۆ
ئەنجام دەدەین لەســەرخۆ
خــــۆ بۆ مــاڵـە باجێنە
یاخود بۆ خــــلیســــکێنە
باخچە باشـــــترین شوێنە
ڕازاوەیە و خــــــــاوێنە
**
کۆمینتی مالپهر
کۆمێنتی فهیسبووک