دوای ئەوەی سعودیە ئامادەی خۆی پیشاندا بۆناردنی هێزی زەمینی بۆ ناو خاكی سوریا و ئەمەش كاردانەوەی زیاتری لێكەوتەوە لەوانەش هۆشداریی عەبادی لەناردنی كە دەبێتە هۆی ئاڵۆزی زیاتر ، هەروەها كەتیبەكانی حزبوڵڵای عیراق هێزی لە سنوری پارێزگای موسەنا لەسنوری نێوان عیراق – سعودیە بڵاوە پێكردوە .
رۆژنامەی قودسی عەرەبی لەراپۆرتێكیدا ئاشكرایكردوە، بەدەیان ئۆتۆمبێلی جۆری پیك ئاب، كەهیچ رەقەمێكیان لەسەر نیە، لەناوچەی محازیەی سەربە پارێزگای موسەنا ، لەسنوری نێوان عیراق – سعودیە جێگیركراون .
رۆژنامەكە راشیگەیاندووە ، ئەو چەكدارانە سەر بە كەتیبەكانی حزبوڵڵای عێراقن و تەنانەت زریپۆش و كاتیوشاو چەند جۆرە چەكێكی تریان پێیە و تەواوی سنوری ناوچەكەیان تەنیوە .
پێشتر كەتیبەكانی حزبوڵڵا هۆشداریان لەهەر بەشداریەكی سوپای سعودیە لەناو خاكی سوریا و عیراق دابوو، بەشێوەیەك دۆزەخیان بۆ دروست دەكەن .
سەرچاوەیەكی ئەمنی لە سنوری پارێزگای موسەنا رایگەیاندوە، پێدەچێت ئەو هێزانە لەسەر رەزامەندی حكومەتی عێراق هاتبن .
کۆمینتی مالپهر
کۆمێنتی فهیسبووک