زەنگ
بۆ ئەو كەسانەی كە دەیانەوێت كێشیان كەم ببێتەوە، ئەوا دەبێت ئەو سەوزانە بخورێت كە كاربۆهایدراتی كەمیان تێدایە ئەمەش بەتەنها نابێت بەڵكو دەبێت میوە و سەوزەی تری لەگەڵدا بێت، ئەو سەوزەواتانەی كە كاربۆهایدراتی كەمیان تێدایە بریتین لە:
قارچك: پڕە لە ڤیتامین (D) و انتی ئۆكسیدان، سیستمی ئارامی لەش ڕێك دەخات و هۆكاری كەم بوونەوەی كێشی لەش و ڕێگری لە گەشەی خانەكانی تووش بوون بە شێرپەنجە دەكات، یەك كوپ قارچك تەنها 1.2 گرام كاربۆهایدراتی تێدایە.
تور: بۆ جۆرەكانی نەخۆشی شەكرە بەسودە و یارمەتی كەمبوونەوەی كێشی لەش دەدات، لە چارەسەری قەبزی دا كاریگەری هەیە، وە هەروەها ئەم سەوزەیە بۆ ددانەكان و لێوەكان ودەمارەكان و موو و نینۆك زۆر بەسودە، هەر پەلكە تورێك تەنها 5 گرام كاربۆهایدراتی تێدایە.
بیبەری ڕۆژئاوایی (جۆرێكە لە جۆرەكانی بیبەر): سەرچاوەی ڤیتامین (C) و ماددەی لیكۆپینە كە بۆ پارێزگاری سەلامەتی دڵ زۆر گرنگە. هەروەها بیبەر یارمەتی پاڵاوتنی خوێن دەدات و بۆ توشبوانی نەخۆشی گورچیلە زۆر بەسودە، نیوەی پەرداخێك بیبەری ڕۆژئاوایی كاڵ تەنها 2.3 گرام كاربۆهایدراتی تێدایە.
خەیار: پڕە لە ڤیتامین D) A, B, C)، ئەم ڤیتامینانە بۆ پاراستنی سەلامەتی پێست و كەمبوونەوەی ئاستی ئەسیدئۆریك زۆر گرنگە. خەیار چارەسەری قەبزی دەكات و هۆكارێكی سەرەكی یە بۆ كەمبوونەوەی كێشی لەش، نیوەی كوپێك شەربەتی خەیار تەنها 1 گرام كاربۆهایدرات لەخۆ دەگرێت.
زەیتون: خۆراكێكی ئێجگار سودبەخشە بۆ پاراستنی پێست و سەلامەتی دڵ، 5 دەنك زەیتونی سەوز یان ڕەش تەنها 0.1 تا 0.7 گرام كاربۆهایدرات لەخۆ دەگرێت.
کۆمینتی مالپه‌ر
کۆمێنتی فه‌یسبووک