زەنگ
وەزارەتی پەروەردەی حكومەتی هەرێم لە ڕاگەیەندراوێكدا ئەخوازێت بەڕێوەبەری پەروەردە بگەڕێتەوە سەر كارەكەی.
لە ڕاگەیەندراوێكدا ئەوە هاتووە، هەوڵەكانی دڵشاد عومەر بەڕێوبەری گشتی پەروەردەی سلێمانی بۆ پێشخستنی پەروەردە و بەڕێوەبەرایەتییەكەی و شكاندنی بایكۆت و دەستپێكردنەوەی خوێندن و هەوڵدان بۆ بەفێڕۆنەچوونی ساڵێكی خوێندنی بەرز دەنەرخێنین.
ئەوەش خراوەتەڕوو، دەستخۆشی لە دڵشاد عومەر بەڕێوبەری گشتی پەروەردەی سلێمانی دەكات، لە ئاست ئەو جورئەتەی كە ڕاستەوخۆ و ڕاستگۆیانە پەنجەی لەسەر هۆكاری كێشەكان و بەلاڕێدابردن و بەسیاسیكردنی خۆپێشاندان و مامۆستایان و جددینەبوونی هەندێك لایەنی سیاسی لە چارەسەركردنی كێشەكان دانا.
باسی لەوەش كردووە، وەزارەتی پەروەردە لەگەڵ دەستلەكاركێشانەوەی ئەندامێكی پەروەردەیی و بەتوانای وەك دڵشاد عومەر نابێت و هیواخوازە هەفتەی داهاتوو دەست بە خزمەتكردنەوەی شاری خۆشەویستی سلێمانی بكاتەوە و وەزارەتی پەروەردەیش بە هەموو شێوەیەك پاڵپشتی دەبێت..
کۆمینتی مالپهر
کۆمێنتی فهیسبووک