مامۆستایان و خوێندكارانی زانكۆی صلاح الدین دەوامیان راگرت و دژی خشتەی نوێی موچە دەوستنەوە و خوێندكارانیش داوای پێدانی دەرماڵەكانیان دەكرد.مامۆستایان و خوێندكارانی زانكۆی صلاح الدین كە لەكۆلیژی پەروەردە و كارگێری و ئابوری و ئاداب و ئەندازیاری و كشتوكاڵ پێكهاتون مانگرتنیان لەدەوام راگەیاند و ئامادەنین بەهیچ شێوەیەك بەخشتەی نوێی موچە رازی ببن.
مامۆستایان رایدەگەیەنن خشتەی نوێی موچە رەت دەكەنەوە و ناشكرێ ئەوان دوای چەندین ساڵ بۆ هەوڵدان بۆ بەدەستهێنانی نازناوی زانستی كەچی موچەكانیانی ئەوان وەكە پلە تایبەت و باڵاكان ئەژمار بكەن و موچەیان كەمبكرێتەوە بۆیە داوای پێداچونەوە دەكەن.
هاوكات خوێندكارانیش بەهۆی قەیرانی داراییەوە رایدەگەیەنن كە ئەوان ئەركی سەرشانیان زۆر قورس بووە سەرەرای ئەوەی كەس و كاریان موچە وەرناگرن خۆشیان دەرماڵەیان پێنادرێ بۆیە داوا دەكەن دەرماڵەكانیان پێبدرێ چونكە بەم شێوەیە ناتوانن بەردەوام بن لەدەوام.
کۆمینتی مالپهر
کۆمێنتی فهیسبووک