بەهۆی رووداوێكی هاتوچۆوە لەسەر رێگاری سەرەكی نێوان كۆیە - هەولێر حەوت هاوڵاتـی یەك خێزان گیانیان لەدەستداوە.پۆلیسی هەولێر لە پەیجی تایبەتی خۆی لە تۆڕی كۆمەلایەتی فەیسبووك رایگەیاندووە، ئێوارەی ئەمڕۆ پێنجشەممە بەهۆی رووداوێكی هاتوچۆوە لەسەر رێگاری سەرەكی نێوان كۆیە - هەولێر حەوت هاوڵاتـی گیانیان لەدەستدا كە سەر بە یەك خێزانن.پۆلیسی هەولێر راشیگەیاندووە، رووداوەكە لە هەورازەنەفتە لەنێوان ئۆتۆمبێلێك لە جۆری تویۆتا كرۆلا و بارهەڵگرێك روویداوە.بەپێی ئەو زانیارییانەی دەست میللەت كەوتووە، هۆكاری ئەم رووداوە بۆ ئەوە دەگەڕێتەوە كە تەنەرێكی نەوت لە سەرڕێگاكە نەوتی لێچووە و بارهەڵگرێكیش لە دوای تەنكەرەكەوەبووە و دوای ئەوەی ویستوویەتی خۆی لە نەوتە ڕژاوەكە لابدات، لەگەڵ ئۆتۆمبێلێكدا پێكیانداداوەو بەمەش ئەم رووداوەی بەدوا خۆیدا هێناوەو سەرجەم سەرنشینەكانی ئوتومبیلەكە گیانیان لەدەستداوە.
کۆمینتی مالپهر
کۆمێنتی فهیسبووک