زەنگ
سه‌ردار قادر، له برى پارێزگاری سلێمانی ڕایدەگەیەنێت، لە هەوڵی دۆزینەوەی چارەسەری خێران بۆ دۆخی كارەبا، دەشڵێت، پرۆژەی 20 ئەمپێری خراوەتە بواری جێبەجێ كردنەوە.
دەقی ڕوونكردنەوەكە:
ڕونكردنەوەیەك لە نوسینگەی ڕاگەیاندنی پارێزگاریی سلێمانی،سەبارەت بە چارەسەركردنی گرفتی كارەبا لە پارێزگای سلێمانی
لە ئێستادا پارێزگاری سلێمانی بە هەوڵی هەموو لایەك سەرقاڵی دۆزینەوەی خێراترین و كورترین ڕێگایە بۆ چارەسەركردنی كێشە و گرفتەكان ئەگەر بۆ ماوەیەكی كاتیش بێت تا دۆزینەوەی چارەسەری هەمیشەیی و هەوڵەكانیش بەتێگەیشتن و هاوكاری هەموو لایەك دەبێت
بۆ ئەو مەبەستە لە چارەسەركردنی كێشە و گرفتی كارەبا لە پارێزگای سلێمانی كە پێداویستی سەرەكی ڕۆژانەی هاوڵاتیانە،پێشنیاری دانانی جۆزەی (٢٠) ئەمپێری خراوەتە بەرنامەی جێ بەجێ كردن،ئەگەرچی ئەمە گرفتی كارەبا بەشێوەیەكی بنەڕەتی چارەسەر ناكات ،بەڵام وەك چارەسەری خێرا و كاتی بە ڕێگایەكی گونجاومان بینی وە جۆرێك لە دادپەروەری كۆمەڵایەتی تێدا بەدیدەهێنرێت تا ماڵی هەموان لە تاریكستانەوە ڕوناكیەكی تێدا دابگیرسێنین،بۆ ئەو مەبەستەش داوا لە هەموو لایەك دەكەین كات و دەرفەتمان بدەنێ تا ئەو كاتەی كارەكانمان تەواو دەكەین و ئەنجامی دەبینن ،پارێزگاری سلێمانی نیەتی خزمەتكردنی هاوڵاتیان و چارەسەركردنی كێشەكانیانە لە زوترین كاتدا ئەمەش بەهەوڵ و هاوكاری و تێگەیشتنی هەموو لایەك دەكرێت و دەبێت
نوسینگەی ڕاگەیاندنی پارێزگاری سلێمانی
٢٢-١٢-٢٠١٦
کۆمینتی مالپه‌ر
کۆمێنتی فه‌یسبووک