زەنگ
ڕێکخراوی چاودێری مافەکانی مرۆڤی سوریایی و تەلەفیزیۆنی دەوڵەتی سوریا ڕادەگەیەنن پاسەکانی کە بەڕێکەوتن بۆ چۆڵکردنی دوو ناوچەی گەمارۆدراو لەلایەن سەرهەڵداوانی سوریاوە هێرش کرایە سەریان و سوتێندران.
ئەو پاسانە چووبوون بۆ گواستنەوەی 2 هەزار کەسی نەخۆش و بریندار لە ئەلفوعە و کەفرەییە لە پارێزگای ئیدلب وەکو بەشێک لە ڕێککەوتنەکان بۆ دەستپێکردنەوەی چۆڵکردنی ڕۆهەڵاتی حەلەب.
ئاژانسی دەنگوباسی ڕۆیتەرز ڕادەگەیەنیت پاسەکان و ئۆتۆمبێلەکانی مانگی سور گەیشتەنە دەروازەی ناوچەکان.
هێزەکانی سەر بە سەرۆکی حکومەتەکەی بەشار ئەسەد داوا دەکەن خەڵکی لە دوو گوندی کە لەلایەن سەرهەڵداوانە گەمارۆدراون دەربکرێن لە بەرامبەر ڕێگەپێدان بە سەرهەڵداون و مەدەنیەکان لە حەلەب دەربچن. هەتا ئامدەکردنی ئەم هەواڵەش لە هیچ لایەکەوە پشتڕاست نەکراوەتەوە کە گواستنەوەی خەڵکی لە هیچ کام لەو شوێنانە دەستیپێکردبێت.
کۆمینتی مالپه‌ر
کۆمێنتی فه‌یسبووک