زەنگ
لیژنەهاوبەشەكانی قائیمقامیەتی سلێمانی هەڵمەتێكی بەرفراوانی بۆ رێگردنی لە فرۆشتنی گۆشتی سەرشەقامەكان دەستپێكردووە و هەركەسێك ئەو كارەبكات رووبەڕووی سزای یاسایی دەكرێتەوە,.
گۆران قادر ،سەرۆكی لیژنەهاوبەشەكانی قائیمقامەیەتی سلێمانی راگەیاند بۆ رێگری كردن لە فرۆشتنی گۆشت لەسەر شەقامەكان هەڵمەتێكی بەرفراوانیان دەستپێكردووە و ئامانج لە هەڵمەتەكەش نەهێشتنی ئەو دیاردە ناشارستانیە و پاراستنی ژینگەو تەندروستی هاوڵاتیانە، چونكە بەپێی ئەو پشكنینانەی كە كردوویانە دەركەوتووە ئەو گۆشتەی لەو شوێنانەدا دەفرۆشرێت بەهیچ شێوەیەك گونجاو نیە بۆ خواردن.
ئەوەشی خستەڕوو، سەربڕین ئاژەڵ و فرۆشتنی گۆشتەكەی لەسەر شەقام و رێگە سەرەكییەكان كارێكی رێگەپێنەدراوە.
وتیشی " هەڵامەتەكەیان بەردەوام دەبێت و داواش لە هاوڵاتیان دەكەین خۆیان بەدووربگرن لە كڕینی گۆشتی سەرشەقامەكان چونكە بەشێكی زۆری ئەو ئاژەڵانەی كە لەو شوێنانەدا سەردەبڕێن لەڕووی تەندروستیەوە گۆشتەكەیان گونجاو نیە بۆ خواردن".
کۆمینتی مالپه‌ر
کۆمێنتی فه‌یسبووک