زه‌نگ
ئاشتى هه‌ورامى، وه‌زيرى سامانه سروشتييه‌كان، ڕۆژێك دواى ڕيفراندۆم هه‌ڵهاتووه و پاره‌ى دوو ساڵى داهاتوى فرۆشتنى نه‌وتيشى وه‌رگرتووه.
عه‌لى حه‌مه ساڵح، ئه‌ندامى په‌رله‌مانى كوردستان ڕايگه‌ياند، ئاشتی هه‌ورامی ئه‌ندازیاری دۆسیه‌ی شکست و پڕ گه‌نده‌ڵی نه‌وت، ٥٢ ڕۆژه هه‌ڵهاتووه.
باسى له‌وه‌ش كردووه، ده‌بوو هێزه کاریگه‌ره‌کان هه‌ڵمه‌تێکی به‌هێز بکه‌ن بۆ هێنانه‌وه‌ی ئاشتی هه‌ورامی و به دادگا گه‌یاندنی.
ئه‌وه‌شى خستوه‌ته‌ڕوو، به‌هۆی سیاسه‌تی چه‌وتی نه‌وت هه‌رێمی کوردستان له‌ژێرباری قه‌رزێکی زۆر، بێ موچه‌یی و بێ کاره‌بایی و بێ سوته‌مه‌نی ساڵێکی سه‌ختمان له پێشه.
وتوشيه‌تى: "نه‌وتی ساڵانی ئاینده‌شی فرۆشتووه، که‌س ناپرسێت پاره‌که‌ی کوا، ده‌بوو هه‌ڵمه‌تێکی فراوان بکرێت بۆ گه‌ڕاندنه‌وه‌ی ئاشتی هه‌ورامی و به‌دادگا گه‌یاندنی، بزاندرێت هه‌زاران ملیۆن دۆلاری نه‌وت چۆن دابه‌شکراوه".
کۆمینتی مالپه‌ر
کۆمێنتی فه‌یسبووک