بەرێوەبەرایەتی هاتوچۆی سلێمانی بە نوسراوی فەرمی داوا لە پارێزگای سلێمانی دەكات بە نوسراوێك سەرجەم پارت رێكخراوە سیاسیەكان و لایەنەكانی پەیوەندیدار ئاگادار بكاتەوە لەوەی كە كارتی رێگە پێدانی ئۆتۆمبێلی جام رەش پوچەڵ بكەنەوە ،چونكە پێدانی كارتی ئۆتۆمبێلی جام رەش لە دەسەڵاتی وەزارەتی ناوخۆدایە ،لە دوای یەك مانگ لە دەرچونی ئەم ئاگاداریەوە بەرێوەبەرایەتی هاتوچۆی سلێمانی رێوشوێنی یاسایی بەرامبەر ئۆتۆمبێلی جام رەش دەگرێتە بەر .
موقەدەمی هاتوچۆ (ئەمین صاڵح) بەرێوەبەری راگەیاندن و پەیوەندیەكانی هاتوچۆی سلێمانی لە لێدوانێكی تایبەتدا بۆ ماڵپەری هاتوچۆی سلێمانی رایگەیاند، بەرێوەبەرایەتی هاتوچۆی سلێمانی بە نوسراوی فەرمی داوای لە پارێزگای سلێمانی كردووە كە كارتی رێگە پێدانی بە ئۆتۆمبێلی جام رەش ، كە لە ساڵانی رابردوودا لەلایەن كۆمەڵێ لایەنی جیاجیاوە بۆ شۆفێران كراوە پوچەڵ بكاتەوە ، چونكە پێدانی كارتی ئۆتۆمبێلی جام رەش لە دەسەڵاتی وەزارەتی ناوخۆدایە.
موقەدەم: ئەمین صاڵح " جەختی لەوەش كردەوە ، لەدوای دەرچونی ئەم ئاگاداریەوە بە یەك مانگ ئەفسەران و كارمەندانی هاتوچۆی سلێمانی رێوشوێنی یاسایی بەرامبەر ئۆتۆمبێلی جام رەش دەگرنەبەر و بە بری 20 هەزار دینار غەرامە دەكرێت .
وتیشی: لەلایەن هێزەكانی ناوخۆوە بەتایبەتی ئاسایشی سلێمانیەوە ئاسایش و ئارامی بۆ گشت هاوڵاتیان و بەرپرسانیش دابین كراوە ، بۆیە پێویست ناكات هیچ هاوڵاتیەك لە هەر پلەو پۆستێكدا بێت ئۆتۆمبێلی جام رەش بەكار بهێنێت .
بەرێوەبەری راگەیاندن و پەیوەندیەكانی هاتوچۆی سلێمانی داوا لە پێشانگاو دوكانەكانی لەزگەو زینەی ئۆتۆمبێل دەكات ، كە پێش دانانی لەزگە و زینە لە سەر ئۆتۆمبێل ، هاتوچۆ و لایەنی پەیوەندیدار ئاگادار بكەنەوە ئەگەر نا دووچاری لێپرسینەوەی یاسایی دەبنەوە .
کۆمینتی مالپهر
کۆمێنتی فهیسبووک