نوێنەرایەتی فەرمانبەرانی زانكۆی سلێمانی لە یاداشتێكدا، خشتەی نوێی مووچە رەتدەكەنەوە و داوای گەڕاندنەوەی موچەكانی مانگی 9-10-11-12ی ساڵی رابردوو دەكەن هاوكات تاكو رۆژی سێشەممە (9-2-2015) مۆڵەت دەدەنە حكومەتی هەرێم، و رایدەگەیەنن كە ئەگەر وەڵامێكی ئەرێنیمان نەداتەوە، هەڵوێستی ترمان رادەگەیەنین.
بۆ/ -حكومەتی هەرێمی كوردستان -پەرلەمانی كوردستان/ نوسینگەی سلێمانی -سەرۆكایەتی زانكۆی سلێمانی
یاداشتی ناڕەزایی
بەهۆی ئەو بارودۆخە ناهەموارەی رووبەڕووی ژیان و گوزەرانی موچەخۆران بۆتەوەو حكومەتی هەرێمیش بەبڕیارەكانی لەبارەی پێدانی مووچەوە هێندەی تر بارگرانی بۆ زیادكردووین، ناڕەزایی خۆمان رادەگەیەنین و خشتەی نوێی مووچە رەتدەكەینەوە. لەوبارەیەوە چەند خاڵێك دەخەینە پێش چاوی رای گشتی:
1-رەتكردنەوەی خشتەی نوێی مووچەو چاكسازیكردن بە سوودی مووچەخۆران. 2-گەڕاندنەوەی موچەكانی مانگی (9-10-11-12ی ساڵی رابردوو) كە بەناوی پاشەكەوتەوە لای حكومەت ماوەتەوەو هیچ گەرەنتییەك نابینین بۆ گەڕانەوەی لەلایەن حكومەتەوە. 3-وەك مۆڵەتێك تاكو رۆژی سێشەممە (9-2-2015) دەدەینە حكومەتی هەرێم، ئەگەر وەڵامێكی ئەرێنیمان نەداتەوە، هەڵوێستی ترمان رادەگەیەنین.
نوێنەرایەتی فەرمانبەرانی زانكۆی سلێمانی8-2-2016
کۆمینتی مالپهر
کۆمێنتی فهیسبووک