زانایانی یەكگرتوو دژی كەمكردنەوەی مووچەن و پێشنیاری نوێیان هەیە بۆ حكومەت.

یەكگرتووی ئیسلامی كوردستان نارازیبوونی خۆی بەرابەر بە كەمكردنەوەی موچەی فەرمانبەران رادەگەیەنێت و مەكتەبی زانایانی ئەو حزبەش رایدەگەیەنێت كە نابێت تێپەراندنی قەیرانی دارایی لەسەر حیسابی گیرفانی هەژارانی ئەم هەرێمە بێت .
لە بەیاننامەیەكی مەكتەبی مەكتەبی زانایان و زانستە شەرعیەكانی یەكگرتووی ئیسلامی كوردستان ئەوە هاتووە: لەگەڵ دەست خۆشیمان لەهەموو هەوڵێكی چاكسازی , نارەزایی خۆمانیش دەردەبرین لەسەر بریاری كەمكردنەوەی مووچەی فەرمانبەران بەتایبەت بەو رێژە زۆرەی كەدیاری كراوە , چونكە كەمكردنەوەكە خۆی لەخۆیدا نادروست و نارێكە و لەوەش نارێكتر ئەو كەمكردنەوە زۆرەیە كە بارگرانیەكی زۆری خستووەتە سەر بژێوی دانیشتیوانی ئەم هەرێمە , وەدەسەڵاتداران بەم بریارە دەسەڵات و بەرپرسیاریەتیان دەخەنە ژێر پرسیارەوە بۆیە ئێمە لەمەكتەبی زانایانی یەكگرتووی ئیسلامی كوردستان بۆچارەسەركردنی ئەم قەیرانە چەند پێشنیارێك دەخەینە روو .
دەقی بەیاننامەكە:
بەناوی خودای بەخشندەو میهرەبان
بابەت نارەزایی
بۆهەرسێ سەرۆكایەتیەكەی هەرێم
- سەرۆكایەتی هەرێمی كوردستان
- سەرۆكی پەرلەمانی كوردستان
- سەرۆكی حكومەتی هەرێمی كوردستان
سەرەتا دەمانەوێت ئەوە بەبیری بەرپرسان و جەماوەری هەرێمی كوردستان بهێنینەوە كە میلەتەكەمان بەقۆناغی زۆر لەمەسەختتر تێپەریوە و هەرگیز چۆكی دانەداوە بەرامبەر ئەو بارودۆخەی رووبەرووی بۆتەوە , بۆیە بەپشتیوانی خوای مەزن ئەم قۆناغەش بەسەركەوتوویی تێدەپەرێنین , بەڵام نابێت ئەم تێپەراندنە لەسەر حیسابی گیرفانی هەژارانی ئەم هەرێمە بێت , لەگەڵ دەست خۆشیمان لەهەموو هەوڵێكی چاكسازی , نارەزایی خۆمانیش دەردەبرین لەسەر بریاری كەمكردنەوەی مووچەی فەرمانبەران بەتایبەت بەو رێژە زۆرەی كەدیاری كراوە , چونكە كەمكردنەوەكە خۆی لەخۆیدا نادروست و نارێكە و لەوەش نارێكتر ئەو كەمكردنەوە زۆرەیە كە بارگرانیەكی زۆری خستووەتە سەر بژێوی دانیشتیوانی ئەم هەرێمە , وەدەسەڵاتداران بەم بریارە دەسەڵات و بەرپرسیاریەتیان دەخەنە ژێر پرسیارەوە بۆیە ئێمە لەمەكتەبی زانایانی یەكگرتووی ئیسلامی كوردستان بۆچارەسەركردنی ئەم قەیرانە ئەم پێشنیارانە دەخەینە روو :-
1- بەتەنها كەمكردنەوەی مووچەی پلە تایبەت و پلە باڵاكان
2- نەهێشتنی دووموچەیی لە دام و دەزگاكانی حوكمەتی هەرێم
3- نەهێشتنی زیادەرۆیی لەخەرجكردندا لەدام و دەزگاكانی حكومەت
4- نەهێشتنی بندیواری نایاسایی لەنێو فەرمانبەراندا
5- بەرپرسە باڵا دەوڵەمەندەكان قەرز بدەن بە حكومەت بۆ تێپەراندنی ئەم قەیرانە
لەكۆتاییدا جارێكی تر نارەزایی خۆمان دووپات دەكەینەوە و ناكرێت راستكردنەوەی شكستی چەندین ساڵەی فەرمانرەوایی ئەم حكومەتە لەسەر پشك و پشت و قوتی خەلك و فەرانبەران بێت , بەهیوای بریاری چاك و دروست بۆ چاكسازی لەپێناو هاونیشتیمانیان , وەئومێدی سەركەوتن و سەرفرازی بۆ جەماوەری خۆراگری هەرێمی كوردستان دەخوازین
مەكتەبی زانایان و زانستە شەرعیەكانی یەكگرتووی ئیسلامی كوردستان
26 رەبیعی دووەمی 1437ی كۆچی
5ی شوباتی 2016ی زاینی

بلاوی بکه‌وه‌ بلاوی بکه‌وه‌ بینیره‌ بۆ

ده‌رباره‌ی سه‌ردێر

تۆریکی هه‌والی بیلایه‌نه‌