زەنگنیوز
لیژنەی باڵای داڵدەدان و فریا كەوتنی ئاوارەكان رەزامەندی لەسەر خەرجكردنی شەش ملیار دینار دەربڕی بۆ ئاوارەكان.
دەرباز محەمەد، وەزیری كۆچ و كۆچبەرانی حكومەتی عێراق لە پەیجی تایبەتی خۆی لە فەیسبوك بڵاویكردەوە، لەو بڕە پارەیە 3 ملیار دینار بۆ ئامادە كردنەوەی قوتابخانەو ناوەندە تەندروستیەكان لە پارێزگای ئەنبار دەبێت، هەروەها 3 ملیار بۆ پارێزگای سەڵاحەدین دەبێت.
ئاماژەی بەوەش كردووە، بڕی 250 ملیۆن دیناری تر بۆ پاڵپشتی و ئامادە كردنەوەی هەندێك بەشی نەخۆشخانەكانی فەلوجە تەرخانكراوە.
وەزیری كۆچ و كۆچبەران ئەوەش دەڵێت، لە سەرەتایی ئۆپەراسیۆنی كۆنتڕۆڵكردنەوەی موسڵ و دەورو بەری تا ئێست 15 هەزار و 346 كەس ئاوارە بوون و بەشی هەرەزۆریان لە كەمپەكان جێگیربوون.
کۆمینتی مالپه‌ر
کۆمێنتی فه‌یسبووک