زه‌نگ
مەفرەزەکانی پۆلیسی دارستان توانیان لە سنوری (شارەزوور) و هەردوو بنکەی ( پیرەمەگرون / تەکیە ) (5) ڕاوچی دەست گیر بكەن و هاوکات دەستبگرن بەسەر کەرەستەکانیاندا.
لەو بارەیەوە عقید هێمن كەمەرخان: بەڕێوەبەری راگەیاندن لەبەڕێوەبەرایەتی پۆلیسی دارستان وژینگەی سلێمانی ڕایگەیاند، بۆ ڕێگە گرتن لەدیاردەیە مەفرەزەیەکی بەشی پۆلیسی دارستان و ژینگەی شارەزوور لە دەرچونێکی مەیدانیدا توانیان (1) هاووڵاتی تۆمەتبار دەست گیر بکەن کە سەرقاڵی ڕاوی ئاژەڵ و باڵندەی کێوی بوو هاوکات دەستگیرا بەسەر (5) باڵندەی ڕاوکراو لەجۆری پۆڕ و (1) چەکی جۆری تاپڕدا .
لە لایەکی ترەوە مەفرەزەیەکی بنکەی پۆلیسی دارستان و ژینگەی پیرەمەگرون ) لەدەرچونێکیاندا توانیان (2) هاووڵاتی تۆمەتبار دەستگیربکەن کە سەرقاڵی ڕاوی باڵندەی کێوی بوون هاوکات دەستگیرا بەسەر (2) باڵندە لەجۆری باز و (6) باڵندە لەجۆری قەتێ و (3) باڵندە لە جۆری کۆترو و (11) باڵندەیی کێوی دا و دواتر بە بڕیاری دادوەر باڵندەکان ئازادکراوە .
دواتر لە چالاکیەکی نوێ دا مەفرەزەکانی پۆلیسی دارستان و ژینگەی تەکیە لە دەرچونێکی مەیدانیاندا توانیان (2) هاووڵاتی تۆمەتبار دەستگیر بکەن سەرقاڵی بیر لێدان بوون بەشێوەیەکی نایاسایی هاوکات دەستگیرا بەسەر (1) جیهازی بیرلێداندا.
عقید هێمن، تۆمەتبارەکان خۆیان و کەرەسەکانیان ڕووبەڕوی یاساکرانەوە جەختی لەوەکردەوە کە لەپێناو پاراستنی سروشت و ژینگەی کوردستان دا پێویستە هەموان پابەندبین بەڕێنمایە کانی پۆلیسی دارستان .
کۆمینتی مالپه‌ر
کۆمێنتی فه‌یسبووک